फिल्म निर्देशक तथा चलचित्र स्क्रिप्ट लेखक छेतन गुरुङको निधन भएको छ । उपचारका क्रममा मंगलवार विहान २ बजे काठमाडौंको मेट्रो अस्पतालमा उनको ४२ वर्षको उमेरमा निधन भएको छ ।कलेजोमा समस्या आएपछि उनलाई उपचारका लागि २ दिन अगाडि मेट्रो अस्पताल भर्ना गरिएको थियो ।

‘नोभेम्बर रेन, क्लासिक, ए मेरो हजुर ३’ जस्ता फिल्मको स्क्रिप्ट लेखिसकेका छेतन गुरुङ फिल्म ‘डम्बरुको डण्डीवियो’ बाट निर्देशन सुरु गरेका थिए । कोरोना संक्रमण बढेसँगै भएको लकडाउनका कारण उनले निर्देशन गरेको चलचित्र प्रेम गीत ३ रिलिज हुन पाएको छैन । यो सँगै उनि हाल चलचित्र हुतुतु को तयारिमा थिए । उनले पहिलो फिल्म ‘नोभेम्बर रेन’बाटै उत्कृष्ट लेखकको अवार्ड उचालेका थिए भने डेब्यू निर्देशित फिल्म ‘डमरुको डण्डीवियो’ बाट उनले कामना अवार्डमा नव-निर्देशकको अवार्ड जित्न सफल भएका थिए ‘

४२ बर्षको उमेरमा संसार छोडेर गएका छेतनको निधनले नेपाली फिल्म क्षेत्रमा शोक छाएको छ ।