युवा गीतकार अविनास थापाले “उडिगायो पछ्यौरी” बोलको गीत बजारमा ल्याएका छन । सम्राट फिल्मस् को यु ट्युब च्यानल मार्फत सार्वजानिक गरिएको अविनास थापाद्धारा लिपिवद्ध उक्त गीतमा चर्चित संगीतकार शिखर सन्तोषको संगीत रहेको छ भने नेपाली संगीतमा स्थापित गायिका माण्डवी त्रिपाठी र राम थापाको स्वर रहेको छ ।

नेपाली गीत संगीतको क्षेत्रमा विविध गीतहरु बजारमा ल्याइसेका अविनासको लेखन यात्राको पहिलो यस गीतका शब्दहरू सुनौँ सुनौँ र उत्तिकै कर्णप्रिय भावका रहेका छन् । माया र विछोडको भूमरीलाई गीतमा केलाइएको छ ।

लामो समय मुम्बईमा काम गरेर अनुभव संगालेका एकल यात्री (भरत कँडेल)को निर्देशन रहेको उक्त गीतमा मञ्जु श्रेष्ठ, गणेश श्रेष्ठ र गणेश अधिकारीको अभिनय रहेको छ ।

बुटवलको विभिन्न प्राकृतिक स्थलमा छायाँकन गरिएको गीतको भिडियोमा नरेश अधिकारीको सम्पादन तथा देविराम घिमिरे र सन्तोष खनालले ड्रोन सहित छायांकन गरेका छन् ।