कोरोना संक्रमणका कारण छायांकन रोकिएको अनमोल केसी र सुहाना थापा अभिनित चलचित्र ” ए मेरो हजुर ४ “ मा अब गायक तथा मोडल दुर्गेश थापा पनि जोडिएका छन्।

निर्देशक तथा अभिनेत्री झरना थापा र निर्माता सुनिल कुमार थापाले दुर्गेशलाई अनुबन्दित गरेका छन्। फिल्ममा उनले अभिनयका साथसाथै एउटा गीत पनि गाउने छन् भने उनको रोललाई लिएर केहि खुलासा गरिएको छैन। कथाको माग अनुसार उनलाई फिल्ममा लिएको जानकारी प्राप्त भएको छ।

दुर्गेशले फेसबुकमा निर्देशक झरना थापा, निर्माता सुनिल कुमार थापा र निर्देशक तथा कोरियोग्राफर रामजी लामिछानेसँगका केही तस्विर शेयर गर्दै लेखेका छन्, “म पनि ‘ए मेरो हजुर ४’ मा जोडिएको खबर सुनाउन पाउँदा निकै खुसी छु । यो प्रोजेक्टमा जोडिने अवसर दिनुभएकोमा सुनिल थापा दाई, झरना थापा दिदी र रामजी लामिछाने दाईप्रति आभारी छु ।”

यसै वर्षको दशैंमा प्रदर्शन गरिने तयारि रहेको यस फिल्म अब कोरोनाका कारण पछाडी धकेलिएको छ। दर्शकको पर्खाईमा रहेको उक्त फिल्मको शुटिङ्ग अब छिट्टै सुरु हुने छ।