तीन दशकभन्दा लामो समयदेखि फिल्ममा सक्रिय रहेका भुवन केसीले गायकको रुपमा आफ्नो करिअर सुरु गरेका थिए । यस बिहिवार उनले आफ्नो ६२औं जन्मदिन मनाए। २०१५ साल असोज १ गते काठमाडौंमा जन्मिएका उनलाई सामाजिक सञ्जालको माध्यमबाट फिल्मकर्मीसँगै दर्शकहरुले जन्मदिनको शुभकामना दिए।

तुलसी घिमिरे निर्देशित चलचित्र कुसुमे रुमाललाई उनको करियरको ब्लकबस्टर चलचित्र भनेर चिनिन्छ। सन्तान, कन्यादान, चिनो, दुई थोपा आँशु, करोडपति, नेपाली बाबु, सुपरस्टार लगायतका फिल्ममा अभिनय गरिसकेका उनी पछिल्लो पटक फिल्म मिस्टर नेपाली मा देखिएका थिए तर यस फिल्म व्यवसायिक रुपमा सफल हुन सकेन। अब उनि आफ्नै ब्यानरमा निर्माण हुन्दै गरेको फिल्म मार्फत पर्दामा आउंदै छन्।